Baggao, Cagayan – Pinangunahan ng mga miyembro ng Baggao Police Station ang pagsasagawa ng Community Outreach Program na ginanap nitong ika-27 ng Setyembre 2022 sa Barangay Allawan, Baggao, Cagayan.
Masayang pinilahan ng mga residente ng Brgy. Allawan ang hatid na feeding program at libreng gupit.
Samantala, nabigyan ng mga school supplies at hygiene kits ang mga mag-aaral ng naturang barangay alinsunod sa programang Oplan Bisita Eskwela I am Strong (Oplan BES).
Bukod sa mga nabanggit na aktibidad ang mga grupo ay nakapagtanim din ng 80 seedlings sa isinagawang tree planting activity.
Layon ng programa na pagtibayin ang ugnayan ng Pambansang Pulisya at komunidad tungo sa kapayapaan, kaayusan at kaunlaran ng pamayanan.
Naging matagumpay ang aktibidad sa pagtutulungan ng Baggao PS; mga tauhan ng 77 Infantry Battalion, Philippine Army; 204th Maneuver, First Cagayan PMFC; mga guro, mga miyembro ng Kabataan Kontra Droga at Terorismo, Youth for Peace; LGBTQ at iba pang mga stakeholders.
Tiniyak ni Police Major Ronald M Balod, Officer-In-Charge ng Baggao PNP na magpapatuloy pa ang mga ganitong programa upang ipadama ang malasakit sa mga residente at ilapit ang tulong serbisyo ng pamahalaan lalo na sa mga marginalized group sa kanilang lugar.
Source: Baggao PS
Panulat ni Police Corporal Carla Mae P Canapi
