Eastern Samar – Patuloy na naghahatid ng serbisyo ang Eastern Samar PNP sa pamamagitan ng Community Outreach Program para sa mga residente ng Brgy. Sta. Cruz, San Policarpo, Eastern Samar nito lamang Sabado, ika-29, Abril 2023.
Ito ay matagumpay na naisagawa sa ilalim ng programang Modified RMFB Bullet Formula 8 ng 801st Maneuver Company, RMFB 8 sa pangunguna ni Police Captain John Remo Evangelio, Officer-In-Charge kasama ang mga tauhan ng San Policarpo Municipal Police Station, Municipal Agriculture Office (MAO) at si Ms. Keena M Mate, RN, MAN, MPH, mula sa Tacloban City Health Office.
Naihatid sa 200 na benepisyaryo mula sa nasabing barangay ang libreng tuli, libreng BP Monitoring, libreng gupit, Libreng Arot, Foto Mo – Sagot Ko (Libreng 1×1 at 2×2 ID Picture), Feeding Activity, at pagbibigay ng School Supplies.
Gayundin, ang mga tauhan ng MAO sa pangunguna ni Sir Leodil Clamor ay nagsagawa ng pagbabakuna laban sa rabies at namahagi ng mga buto ng gulay.
Ang aktibidad na ito ay naglalayong maipaabot ang tulong para sa mga mamamayan na lubos na nangangailangan at mapagtibay ang ugnayan ng PNP at komunidad.
