Sta. Ana, Pateros — Nagsagawa ng Community Outreach Program ang District Mobile Force Battalion ng Southern Police District sa mga biktima ng sunog sa Musni Covered Court, Barangay Sta. Ana, Pateros bandang ala-1:00 ng hapon nito lamang Lunes, Hulyo 25, 2022.
Ang aktibidad ay pinangunahan ng mga tauhan ng DMFB-Community Affairs Section sa pangunguna ng Police Captain Arnulfo Amor, Chief, BCAS, at ni Police Lieutenant Colonel Jay Calimlim Dimaandal, Force Commander kasama ang Pateros DSWD at mga opisyales ng Brgy. Sta. Ana sa pamumuno naman ni Kagawad Fernando Datu.
Ito ay kaugnay pa rin sa ika-27th PCR Month Celebration na may temang “Ugnayang Pulisya at Komunidad Tungo sa Mapayapa, Maayos at Maunlad na Pamayanan.”
Tampok sa nasabing aktibidad ay ang Feeding Program, pamamahagi ng grocery packs, bitamina, surgical face mask sa mga bata, mga damit, mga laruan para sa mga bata, swish spray at pamimigay ng mga flyers patungkol sa kaligtasan sa pag-iwas sa krimen.
Nasa 50 na matatanda at 60 na kabataan ang nakinabang sa programa.
Nagsagawa rin ng Oplan Bisita Eskwela at pagtalakay sa Project Resistance Education on Anti-illegal Drugs for the Youth, Anti-Bullying Act at RA 7610.
Nangako naman ang grupo na hindi ito ang huling aktibidad nila upang makapag-abot ng tulong sa ating mga kababayan.
Source: Dmfb SPD-bcas
###
Panulat ni PSSg Remelin M Gargantos
