Negros Occidental – Nakilahok ang mga tauhan ng 605th Maneuver Company ng Regional Mobile Force Battalion 6 sa Community Outreach Program na ginanap sa Hacienda Hilado, Barangay Guimbala-on, Silay City, Negros Occidental nito lamang ika-17 ng Disyembre, 2022.
Ang aktibidad ay inisyatibo ng Team Binuligay na pinangunahan ni Gng. Banesa Oloroso katuwang ang 1st Negros Occidental Provincial Mobile Force Company, OFW Federation, BPATS/BPSO at mga Brgy. Officials ng nasabing lugar.
May kabuuang 150 na katao ang napamahagian ng noche buena packs at mga damit kasabay ng feeding program.
Ang PNP at ibang ahensya ng gobyerno ay patuloy sa mga ganitong programa upang maipadama ang pagmamahal at pagmamalasakit para sa ating mga kababayan lalo na sa mga lubos na nangangailangan.
