Caipilan, Siquijor – Buong pusong inihandog ng Siquijodnon PNP ang Community Outreach Program sa SPPO Grounds, Caipilan, Siquijor, Siquijor nito lamang ika-29 ng Hulyo 2022.
Ang Programa ay pinangunahan ng Siquijor PNP sa direktang pamumuno ni Police Colonel Robert D Lingbawan, Acting Provincial Director, katuwang si Ms. Phoebe Lace Lingbawan, Advisor ng SPPO Juana Del Fuego, PDMU, at sa tulong din ng Dumanhog at Caipilan Barangay Councils.
Bago ang pamimigay ng school supplies, nagpakita muna ng talento ang Spoken Poetry Duo Winner sa Peace Camp Himamat ng kanilang masterpiece na nakatuon sa pagtalakay sa RA 11313 o Safe Space Act at RA 9262 o ang Anti- Violence Against Women and their Children Act of 2004, kasunod nito ang pagdaraos ng parlor games sa mga bata na siyang lubos na ikinatuwa ng mga ito.
Sa naturang aktibidad, mahigit 200 na bata kasama ang kanilang magulang ang nakatanggap ng school supplies, hygiene kits, tsinelas at libreng pagkain mula sa mga naturang personalidad na nabanggit.
Ang aktibidad ay hindi lamang nag-iwan ng materyal na kasiyahan sa mga bata kung hindi nagbigay din ng ngiti at inspirasyon sa mga ito upang patuloy na pagbutihin ang kanilang pag-aaral.
Ang mga ganitong simpleng programa na walang sawang inilalapit ng Siquijor PNP na naglalayon na patuloy na ipadama sa bawat mamamayan na kanilang nasasakupan ang kanilang taos pusong serbisyo.
Panulat ni Patrolwoman Kyla Hannah R Evangelista
