Nagsagawa ng Community Outreach Program ang mga tauhan ng Lapu-Lapu City Police Office sa pamamagitan ng pamamahagi ng tig-sampung kilo ng bigas, canned goods at noodles sa tinatayang 75 na mga residente ng Sitio Casia, Barangay Bankal, Lapu-Lapu City, Cebu noong Pebrero 25, 2024.
Ang aktibidad ay pinangunahan ni Police Major Karen R Bancoleta, Acting Chief, City Community Affairs and Development Unit, sa pamumuno ni Police Colonel Elmer S Lim, City Director na lubos na sinuportahan nina Hon. Allen Godinez, Barangay Councilor, Pastor Jotil Inoc at mga miyembro ng Special Weapon and Tactics (SWAT) na nagbigay ng seguridad sa lugar.
Nagkaroon din ng talakayan ang kapulisan tungkol sa Anti-Terrorism at Anti-Illegal Drugs na may layunin na makapagbigay serbisyo at makapagbahagi ng sapat kaalaman sa komunidad.
Samantala, sa panayam sa Presidente ng Bankal Neighborhood Association (BANA), masaya at laking pasasalamat nila ng kanyang mga kasamahan sa ginawang Community Outreach Program ng kapulisan lalong-lalo na sa pagbibigay ng karagdagang kaalaman sa kanila.
Mas pinaiigting pa rin ng kapulisan ang pagsuporta, pakikiisa at pagtutulungan sa pamayanan tungo sa adhikain ng pamahalaan para sa mapayapa at maunlad na bayan para sa Bagong Pilipinas.
Panulat ni Patrolwoman Monica W Labajo
