Mayapa, Laguna – Naging makulay ang pagdiriwang ng ika-55 na kaarawan ni PBGen Yarra sa pagsagawa ng Community Outreach Program sa Covered Court ng EM’s Barrio, Camp Vicente Lim, Mayapa, Laguna nito lamang Huwes, Agosto 4, 2022.
Pinangunahan ang aktibidad ng Officers’ Ladies Club 4A sa pamamahala ni Mrs. Josephine C Yarra, OLC Adviser katuwang ang Command Group, at Regional Staff.
Ito ay sinimulan sa simpleng pagdiriwang sa pamamagitan ng isang banal na misa na isinagawa sa St. Michael the Archangel Church.
Nagkaroon ng libreng serbisyong medical, dental at legal.
Samantala, naging tampok sa naturang aktibidad ang pamamahagi ng food packs at mga medical kit sa 200 na senior citizens at school supplies at mga laruan naman sa 200 na bata.
Lubos naman ang pasasalamat ng mga residente ng Barangay Mayapa sa pamumuno ni Chairman Flaviano D Taniola matapos magdonate ang grupo ng 20 set ng Anti-COVID 19 Kit na naglalaman ng digital thermometer, pulse oximeter, digital BP monitor, disinfectant, baby wipes, boxes of facemask, liquid hand soap, Isopropyl alcohol (70 ml), boxes of Ascorbic Acid at mga hand towel.
“Maraming salamat po sa inyong lahat sa pakikibahagi sa espesyal na araw na ito ng aking asawa at sana po ay napasaya namin kayo sa pamamagitan ng simpleng selebrasyon na ito kagaya ng pagpapasaya ninyo sa amin,” ani Mrs. Yarra, OLC 4A Adviser.
###
Panulat ni Police Executive Master Sergeant Joe Peter Cabugon
