Zamboanga City – Nagsagawa ng Community Outreach Program ang Zamboanga City PNP sa Sinunuk Island, Brgy. Tumalutab, Zamboanga City nito lamang Biyernes, Nobyembre 4, 2022.
Ang aktibidad ay pinangunahan ni Police Colonel Alexander Lorenzo, Acting City Director ng Zamboanga City Police Office kaagapay si Police Major Wilfredo Palamos, Station Commander ng Zamboanga City Police Station 4, Police Lieutenant Colonel Paul Andrew Cortes Chief, City Community Affairs and Development Unit at Regional Finance Service 9 sa pangunguna ni Police Major Heterence Abraham.
Namahagi ng 125 food packs na may lamang bigas, canned goods, noodles at itlog sa mga residente na labis na naapektuhan ng nagdaang bagyong Paeng.
Ito ang simpleng tulong ng Zamboanga City PNP sa mga mamamayan na kanilang nasasakupan upang ipadama na anumang oras ay handang tumulong ang ating pulisya at sabay-sabay na babangon tungo sa pag-unlad ng siyudad ng Zamboanga.
Panulat ni Police Staff Sergeant Grace Neville Ortiz
