Tuguegarao City – Nagsagawa ng Community Outreach Program ang mga tauhan ng Tuguegarao City Police Station sa Tagga-Dadda Elementary School sa Barangay Tagga at Dadda, Tuguegarao City nito lamang Biyernes, Hunyo 3, 2022.
Ayon kay Police Lieutenant Edith Narag, Hepe ng naturang istasyon, nasa higit-kumulang 100 na residente ang nahandugan ng mainit na lugaw at itlog.
Nagkaroon din ng libreng gupit at pamamahagi ng facemask.
Bukod dito, namigay din ng babasahin tungkol sa Anti-Terrorism, Anti-Illegal drugs awareness at Akyat Bahay Safety tips.
Ito ay alinsunod sa ginanap na Barangay Peoples Day sa nabanggit na dalawang barangay ng siyudad.
Ang aktibidad ay dinaluhan din ng My Brother’s Keepers Life Coach sa pangunguna ni Pastor Jun Ulangca at mga aktibong miyembro ng Kabataan Kontra Droga at Terorismo (KKDAT) Tagga Chapter at Sangguniang Kabataan sa pamumuno ni Binibining Irene Bosi.
Layon nito na palakasin ang ugnayan ng PNP at mamamayan tungo sa maayos at mapayapang pamayanan.
Source: Tuguegarao City Police Station
###
Panulat ni Police Corporal Carla Mae P Canapi
