Trinidad, Bohol – Nagsagawa ang mga tauhan ng Trinidad Municipal Police Station ng Community Outreach Program kaugnay sa ika-48th Nutrition Month Celebration na may temang “New Normal na Nutrisyon, Sama-Samang Gawan ng Solusyon” na ginanap sa Brgy. Sto. Tomas, Trinidad, Bohol nito lamang Hulyo 12, 2022.
Ang naturang aktibidad ay pinangunahan ni Police Major Christopher Ras Fernandez, Chief of Police ng Trinidad Municipal Police Station katuwang ang mga tauhan ng Rural Health Unit (RHU) Trinidad, Barangay Officials, BHW’s, BNS at iba pang ahensya ng pamahalaan at bilang pakikiisa sa ika-27th Police Community Relations Month.
Ayon kay Police Major Fernandez, sila ay nakapagbigay ng pagkain tulad ng gatas, prutas at tinapay sa mga batang edad 2 hanggang 5 taong gulang.
Labis na tuwa at pasasalamat naman ang naging sukli ng mga bata at residente ng nasabing lugar sa mga natanggap nilang serbisyo mula sa mga kapulisan ng Trinidad Municipal Police Station, maging sa mga iba’t ibang ahensya at mga volunteers.
Layunin ng Trinidad PNP na mabawasan ang porsyento ng malnutrisyon at para maging masigla at malusog ang mga bata sa nasabing lugar at upang mapagtibay ang ugnayan ng PNP sa mga mamamayan ng Brgy. Sto. Tomas.
###
Panulat ni Patrolwoman Jenilyn Consul
