Quezon – Nagsagawa ng Community Outreach Program ang Tayabas PNP sa Brgy. Ayaas, Tayabas City, Quezon nito lamang Linggo, Disyembre 25, 2022.
Ang aktibidad ay pinangunahan ng Tayabas City Police Station sa ilalim ng pamumuno ni Police Lieutenant Colonel Bonna Obmerga, Acting Chief of Police katuwang ang mga Brgy. Officials at kawani sa pangunguna ni Brgy. Captain Cresencio Empamano.
Namahagi ang grupo ng foodpacks at mga laruan sa 150 na batang residente ng naturang barangay.
Ang aktibididad ay bahagi ng selebrasyon ng yuletide season na nagpapakita ng malasakit at pagmamahal sa mamamayan lalo na sa mga kabataan.
Panulat ni PEMS Joe Peter Cabugon/RPCADU 4A
