Tarlac – Naghatid ng tulong ang Tarlac 2nd Provincial Mobile Force Company sa pamamagitan ng Community Outreach Program sa mga residente ng Sitio Calao Brgy. San Jose, Mayantoc, Tarlac nito lamang Sabado, ika-12 ng Agosto 2023.
Ang naturang aktibidad na pinamunuan ni Police Lieutenant Colonel Ford Sudaypan, Force Commander ng Tarlac 2nd Provincial Mobile Force Company katuwang ang Faith Based Group at Kabataan Kontra Droga at Terorismo (KKDAT).
Namigay ng libreng bigas, food packs at mga damit para sa mga residente ng nasabing lugar.
Kasabay nito ang Faith Based Group sa pangunguna ni Pastor Dan Manuel ay pinagpanalangin ang bawat residente ng Sitio Calao at ang mga tauhan ng Tarlac PNP.
Labis naman ang kagalakan at pasasalamat ng mga benepisyaryo sa ibinigay na tulong at malasakit ng mga awtoridad sa kanilang lugar.
Sinisiguro ng Tarlac 2nd PMFC na magpapatuloy sa paghahatid ng magandang serbisyo at mapanatili ang kaligtasan ng kanilang nasasakupan.
Source: Tarlac 2nd PMFC
Panulat ni PCpl Jeselle V Rivera
