Tarlac – Tuloy-tuloy na naghahatid ng tulong ang Tarlac 2nd Provincial Mobile Force Company sa pamamagitan ng Community Outreach Program para sa mga mag-aaral ng Binibinaca Elementary School, Brgy. Binibinaca, Mayantoc, Tarlac nito lamang Martes, ika-4 ng Hulyo 2023.
Ang naturang aktibidad ay pinamunuan ni Police Lieutenant Colonel Ford Sudaypan, Force Commander ng Tarlac 2nd Provincial Mobile Force Company.
Nagkaroon ng pamimigay ng libreng school supplies at tsinelas para sa mga mag-aaral ng nasabing paaralan.
Lubos ang galak at pasasalamat ng mga bata sa hatid na tulong at malasakit ng mga awtoridad na kaugnay sa Community Engagement na kabilang sa 5-Focused Agenda ni CPNP Police General Benjamin Acorda Jr.
Patuloy na magbibigay serbisyo ang Tarlac PNP at pagtitibayin ang ugnayan ng PNP at komunidad.
Source: Tarlac 2nd PMFC
Panulat ni Police Corporal Jeselle V Rivera/RPCADU3
