Talibon, Bohol – Nagsagawa ng Community Outreach Program ang mga tauhan ng Talibon Municipal Police Station sa Barangay Sto Niño, Talibon, Bohol nito lamang ika-30 ng Hunyo 2022.
Ang nasabing aktibidad ay pinangunahan ni Police Major Gereon A Item, Chief of Police ng Talibon Municipal Police Station katuwang ang mga tauhan nito.
Ayon kay Police Major Item, mahigit sa pitong oras na nilakbay ng mga kapulisan ang kabundukan ng Talibon sa Bohol para lamang maghatid ng mga food packs sa nasabing barangay.
Kasabay ng pagbibigay ng mga food packs ay namigay rin sila ng mga pagkain para sa mga bata at nagbigay na rin ng kaunting kaalaman tungkol sa RA 7610 o ang Special Protection of Children Against Abuse, Exploitation and Discrimination Act at ang RA 10627 o ang Anti-Bullying Act.
Layunin ng Talibon PNP na mahandugan ng tulong ang mga residente na nakatira sa kabundukan na kanilang nasasakupan at maiparating ang malasakit at pagmamahal sa kanila ng Pambansang Pulisya.
###
Panulat ni Patrolman Carl Philip L Galido
