Bohol – Nagsagawa ng Community Outreach Program ang mga tauhan ng Talibon Police Station sa Sikatuna Elementary School, Brgy. Sikatuna, Talibon, Bohol nito lamang ika-14 ng Hunyo 2023.
Ang naturang aktibidad ay pinangunahan ni Police Captain Amelito Melendres Melloria, Officer-In-Charge ng Talibon Police Station, katuwang ang Stakeholders, Force Multipliers, Advocacy Support Groups, Faculty at Staff ng Zamora Elementary School, Sikatuna Patrol Base Detachment, Task Group Bohol ng 47IB, 3RD ID Philippine Army sa pangunguna ni Sgt. Rolando C. Navarra Jr., Barangay Local Government Unit na pinamumunuan ni Hon. Cerilo B. Garcia, Barangay Tanod at Alpha Kappa Rho.
Naghatid ng kaalaman ang mga awtoridad sa pamamagitan ng Drug Awareness Lecture na nagpapaalala sa mga kabataan na ang paggamit ng ilegal na droga ay nakakasama sa kanilang kalusugan at kinabukasan.
Tinatayang 200 na mag-aaral ang naging bahagi ng aktibidad kung saan nabahagian din ang mga ito ng binignit na isang sikat na pagkain ng mga Bisaya.
Ito ay isa sa best practices ng naturang himpilan na binansagang “Batang Busog-Lusog sa Paaralan” sa ilalim ng G.O.O.D.C.O.P.S. Program upang matiyak na ang bawat mag-aaral ay may malusog na katawan at isipan na siyang magiging tulay sa pag-abot ng kanilang mga pangarap.
