Zambales – Naghatid ng iba’t ibang serbisyo ang Subic PNP sa pamamagitan ng Community Outreach Program para sa mga residente ng Sitio Gala, Brgy. Aningway-Sacatihan, Subic, Zambales nito lamang Biyernes, ika-20 ng Oktubre 2023.
Ang naturang aktibidad na pinamunuan ni Police Lieutenant Colonel Rommel Geneblazo, Chief of Police ng Subic Municipal Police Station katuwang ang CSI- IG Force Multiplier, Zumba Girls Foundation at Faith Based Group sa paghahatid ng serbisyo.
Namahagi ang mga awtoridad ng libreng baon packs at feeding program sa mga bata ng nasabing barangay na kung saan umabot sa 200 na benepisyaryo ang nakatanggap ng tulong.
Maliban sa libreng pakain mula sa Subic PNP, nagbigay kaalaman din patungkol sa masamang dulot ng ilegal na droga sa ating pangangatawan at namigay ng mga Information Education Materials patungkol sa mga Safety Tips.
Nagbigay kasiyahan sa mga kabataan ang hatid na tulong at serbisyo at patuloy ang paghahatid ng serbisyo ng Subic PNP sa kanilang nasasakupan upang mas mapagtibay ang magandang ugnayan ng PNP at pamayanan.
Source: Subic Municipal Police Station
Panulat ni PCpl Jeselle V Rivera
