Pasay City – Nagsagawa ng Community Outreach Program ang mga tauhan ng Southern Police District sa mga residente ng Barangay 192, Pasay City noong Biyernes, Mayo 27, 2022.
Pinuri ng Metro Top Cop NCRPO District Director, Police Major General Felipe Natividad ang makabuluhang aktibidad na ito ng Southern Police District sa pangunguna ng Director nito na si Police Brigadier General Jimili Macaraeg at mga tauhan ng District Community Affairs and Development Division (DCADD), Pasay City Police Station, Regional Mobile Force Battalion, NCRPO, at Anti-Cyber Crime Group-SPD.
Namahagi sila ng mga food packs, taho, bottled water, school shoes, IEC materials, libreng gupit, mga lectures sa Project R.E.A.D.Y, Anti-Cybercrime Awareness, HIV/AIDS Awareness, at Livelihood Training Skills Program.
May kabuuang 100 benepisyaryo ang nakatanggap ng food packs habang 50 bata ang nabigyan ng school shoes.
Bilang suporta sa programa, naroroon din si Hon. Chito G Decosto, Barangay Chairman ng Barangay 192; Ka Lolit, dating miyembro ng CTGFO; Angeline Antonio ng Pasay Social Hygiene Clinic; ROTC students ng City University of Pasay; mga miyembro ng Advocacy Support Group; at mga tauhan mula sa DCADD-SPD, DMFB-SPD at SCAS ng Pasay CPS.
Dahil sa bumuhos na tulong mula sa iba’t ibang grupo, naniniwala si PMGen Natividad na magkakaroon na ng tuloy-tuloy na partnership sa pagitan ng PNP at iba pang mga pribadong indibidwal at sektor na syang magiging dahilan upang mas mapabuti at maparami pa ang maabutan nila ng serbisyo.
Aniya, “Panahon na para paigtingin natin ang community partnership para maramdaman ng ating mga kababayan na tayo ay mapagkakatiwalaan at higit na handa tayong suportahan sila at makipagtulungan sa kanila tungo sa mas ligtas at mas progresibong Metro Manila.”
Source: PIO NCRPO
https://m.facebook.com/story.php?story_fbid=385028960326605&id=100064585126913
###
Panulat ni PSSg Remelin Gargantos
