Cebu – Nagsagawa ng Community Outreach Program ang mga tauhan ng Sogod Police Station sa Lib-og Elementary School, Sitio Lib-og, Cabalawan, Sogod, Cebu nito lamang Marso 25, 2023.
Ang naturang aktibidad ay pinangunahan ni Police Captain Phil C Restauro, Officer-In-Charge ng Sogod Police Station, katuwang ang Sogod Municipal Advisory Group na pinamumunuan ni Engr. Exyl Arnado.
Naisagawa ang aktibidad sa pamamagitan ng pamamahagi sa mga mag-aaral ng Jollibee, loot bags na naglalaman ng candies, biscuits, chewable vitamins, school supplies, raincoats, water bottles, tsinelas at tuwalya na kanilang magagamit sa pag-aaral na binansagang “Lapis Challenge” na nangangahulugang “Lawak ng Pangarap ng Isang Estudyante.
Nabahagian din ang mga magulang ng mga mag-aaral ng bigas at palanggana na naglalaman ng samu’t saring groceries.
Hangad ng naturang grupo na mailapit sa mamamayan ang serbisyong makamasa na magpaparamdam sa mga ito ng tunay at tapat na pagmamahal at malasakit ng buong hanay ng Pambansang Pulisya at maging ng ibang ahensya ng pamahalaan.
