Misamis Occidental – Nagsagawa ng Community Outreach Program ang mga tauhan ng Sinacaban Municipal Police Station sa Brgy. San Lorenzo Ruiz, Sinacaban, Misamis Occidental nito lamang ika-11 ng Hunyo 2023.
Pinangunahan ito ng Hepe ng Sinacaban MPS na si Police Captain Ernesto Rabago Garcia Jr, kaagapay ang mga miyembro ng Philippine Coast Guard 10, Ozamis Confession, Local Government Unit ng Sinacaban, at 2nd Provincial Mobile Force Company ng Misamis Occidental.
Ilan sa serbisyong hatid ay pamimigay ng food packs, school supplies, hygiene kits at feeding program.
Isinagawa rin ang blood sugar testing at BP Monitoring, ito ay bahagi ng Serbisyong Nagkakaisa na may layunin na tulungan ang mamamayan na mas higit na nangangailangan.
Hindi titigil ang Pambansang Pulisya ng Pilipinas sa paghahatid ng serbisyo sa pamayanan tungo sa isang maayos, ligtas at maunlad na bansa.
Panulat Patrolman Edwin Baris/RPCADU10
