Nagsagawa ng Community Outreach Program ang mga tauhan ng Siaton Municipal Police Station sa Brgy. 4, Siaton, Negros Oriental noong ika-23 ng Oktubre 2022.
Ang aktibidad ay pinangunahan ni Police Major Adrian Nalua, Officer-In-Charge ng Siaton MPS katuwang ang mga miyembro ng KKDAT, Adventist Community Service at RECON SARGE 7.
Sa nasabing aktibidad ay namahagi ang grupo ng mga food packs, hygiene kits, at flyers sa mga kalahok kasabay ng pagbibigay kaalaman patungkol sa mga batas na kumakalinga sa karapatan ng bawat mamamayan kabilang na ang RA 7610 (Special Protection of Children Against Child Abuse, Exploitation, and Discrimination Act) at RA 9262 (Anti-Violence Against Women and their Children Act of 2004).
Hangad ng aktibidad na maipakita at maipadama ang malasakit at pagmamahal ng mga pulisya sa publiko at ang hangarin na mabigyan ang bawat mamamayan ng ligtas at mapayapang pamayanan.
