Bohol – Nagsagawa ng Community Outreach Program ang mga tauhan ng Sevilla Municipal Police Station sa Calinginan Sur Primary School, Calinginan Sur, Sevilla, Bohol nito lamang ika-30 ng Enero 2023.
Sa pangunguna ni Police Captain Nelson Descallar Lodripas, Chief of Police ng Sevilla PNP ay nakapagpamahagi ang grupo ng mga tsinelas sa mga mag-aaral ng nasabing paaralan katuwang si Charlito Visabella, Station Life Coach at maging ang mga guro ng nasabing paaralan.
Bukod pa rito ay nagkaroon din ng feeding program at binigyang kaalaman ang mga bata patungkol sa Anti-Criminality Campaign, Anti-Illegal Drugs Campaign, Anti-Terrorism Campaign.
Ang aktibidad na isinagawa ay pumapaloob sa programa ng kasalukuyang hepe ng Pambasang Pulisya na MKK=K (Malasakit, Kaayusan, Kapayapaan tungo sa Kaunlaran) na walang ibang hangad kung hindi maipamalas ang serbisyong tapat at may malasakit na magbibigay ng kasiyahan at ngiti sa mga bata.
