Sarangani Province – Nagsagawa ng Community Outreach Program ang mga tauhan ng Sarangani Police Provincial Office na ginanap sa Barangay Alegria, Alabel, Sarangani Province nitong ika-22 ng Hunyo 2023.
Pinangunahan ni Police Colonel Nicomedes Olaivar Jr, Provincial Director, ang aktibidad kasama ang mga tauhan ng Sarangani Police Provincial Office, Eagles Club, Lokal na Pamahalaan ng Sarangani at mga Force Multipliers na boluntaryong nakiisa sa aktibidad.
Mahigit 300 na residente ang naging benepisyaryo na napamahagian ng foodpacks, libreng tsinelas, pagkain at inumin.
Natuwa naman ang mga residente lalo na ang mga kabataan dahil sa mga bagong tsinelas na kanilang natanggap.
Ang mga ganitong aktibidad ang nagpapatunay ng malakas na ugnayan ng kapulisan at ng mamamayan upang mapanatili ang progresibo at maunlad na pamayanan.
Panulat in Patrolman Charnie Atienza Mandia
