Zambales – Nagsagawa ng Community Outreach Program ang San Marcelino PNP sa Brgy. Buhawen, San Marcelino, Zambales nito lamang Huwebes, Setyembre 29, 2022.
Ang naturang aktibidad ay sa ilalim ng pangangasiwa ni Police Major Rolando Ballon, Acting Chief of Police ng San Marcelino Municipal Police Station katuwang ang Regional Health Unit, Municipal Social Welfare and Development at miyembro ng Kaligkasan Warriors.
Tinatayang 90 na benepisyaryo ang nabigyan ng relief goods, serbisyong pang-medikal at nagbigay kaalaman ang mga PNP kaugnay sa masamang dulot ng paggamit ng ilegal na droga.
Layunin nito na mas mapaigting ang ugnayan ng PNP at pamayanan upang maipaabot ang tulong ng pamahalaan.
Source: San Marcelino PNP
Panulat ni Police Corporal Jeselle Rivera
