Isabela – Naghatid saya sa mga mamamayan ng San Manuel ang isinagawang Community Outreach Program ng San Manuel PNP sa pangunguna ni Police Major Michael Esteban na ginanap sa Sitio Asinan, Brgy. Sta Cruz, San Manuel, Isabela noong ika-25 ng Pebrero 2023.
Katuwang sa aktibidad ang Rural Health Unit, MSWDO, CIS-RG, Life Coach ng himpilan at mga stakeholders na dinaluhan ni Hon Richmond Ventura, Municipal Councilor at iba pang kawani ng lokal na pamahalaan ng San Manuel.
Naisagawa ang aktibidad sa pamamagitan ng medical check-up, libreng gupit, pamamahagi ng vitamins, food packs at slippers sa mga bata at magulang ng naturang barangay.
Lubos ang kasiyahan ng 100 benepisaryo sa mga naipamahagi at matamis na pasasalamat ang bigkas ng bawat isa.
Layunin ng aktibidad na mapaigting ang ugnayan ng kapulisan sa lokal na pamahalaan para sa pagsasagawa ng mga programa na nakakapagbigay-saya at tulong sa mga mamamayan.
Source: San Manuel PS
Panulat ni PSSg Jerlyn V Animos
