Muntinlupa City — Nagsagawa ng Community Outreach Program ang mga tauhan ng Regional Mobile Force Battalion ng NCRPO sa Don Juan Bayview Subdivision, Muntinlupa City nito lamang Sabado, Enero 7, 2023.
Ang aktibidad ay pinangunahan ng Battalion Community Affairs Section na personal na dinaluhan ni Police Lieutenant Edmundo Benitez, Deputy Chief, BCAS at Police Major Edgardo Tigbao, Chief, BCAS sa ilalim ng pamumuno ni Police Lieutenant Colonel Jonathan G Calixto, Force Commander ng RMFB.
Namahagi ang yunit ng mga pangunahing pangangailangan ng mga benepisyaryo na may down syndrome tulad ng bigas, de lata, noodles at iba pa na may malaking tulong para sa kanilang pang araw-araw na pamumuhay.
Layunin ng programang ito na bigyang pag-asa at inspirasyon ang mga kabataang may kapansanan na sa kabila ng kahirapan ay may PNP na handang tumulong sa oras ng kagipitan.
Source: RMFB NCRPO
Panulat ni PSSg Remelin M Gargantos
