Iloilo – Nagsagawa ng Community Outreach Program ang mga tauhan ng Regional Mobile Force Batallion 6 sa Brgy. Bolo, Maasin, Iloilo nito lamang umaga ng Pebrero 18, 2023.
Ang naturang aktibidad ay pinangunahan ni Police Lieutenant Colonel Joel C Garcia, Acting Force Commander katuwang si Pastor Danny Leysa ng PNP Interfaith, Regional Police Community Affairs and Development Unit 6, Maasin MPS, Former Rebel, 82nd Infantry Batallion, 31D at Philippine Army.
Dumalo din sa naturang aktibidad si Hon. Francis A Amboy, Municipal Mayor, Hon Shyla V Melicado, SK Federation, Brgy. Officials at iba pang mga volunteers.
Pinasimulan ni Pastor Leysa ang aktibidad sa pagbabahagi ng salita ng Diyos kasunod ng pagsasagawa ng feeding program, libreng gupit at pamamahagi ng food packs na siyang sinabayan ng harana ng RMFB 6 Band.
Sa pagpapatuloy ng programa ay tinalakay ng RMFB 6 ang tungkol sa Anti-Terrorism, EO 70 o NTF-ELCAC at VAWC o Violence Against Women and their Children pagkatapos nito ay dito na isinagawa ang panunumpa at covenant signing ng Memorandum of agreement upang iwaksi at labanan ang panlilinlang ng CTGs.
Nagbigay din ng testimonya ang isang former rebel na si “Ka Doc” at inilahad ang ginagawang pang-aabuso, ilegal na panghihikayat at panlilinlang ng mga komunistang teroristang grupo na CPP-NPA.
Lubos naman ang pasasalamat ng mga benepisyaryo sa binahagi ng ating kapulisan na makakatulong sa kanilang pang araw-araw na pangangailangan at sa kaalaman upang maprotektahan ang kanilang sarili sa kriminalidad.
Ang aktibidad ay kaugnay sa Peace and Security Framework ng Pambansang Pulisya, ang MKK=K o Malasakit, Kaayusan, Kapayapaan tungo sa Kaunlaran upang mapanatili ang magandang ugnayan ng kapulisan at mamamayan.
