Pilar, Sorsogon – Nagsagawa ng community outreach program ang Regional Mobile Force Battalion 5 sa Pilar 1 Central School Barangay Dao, Pilar, Sorsogon nitong Linggo, Abril 10, 2022.
Ang programa ay pinangunahan ni Police Major Nesser Nabol, Chief, Community Affairs Section ng RMFB 5 katuwang ang Philippine Eagles Club, Philippine Navy at Philippine Army.
Umabot sa 35 na kabataan ang nahandugan ng libreng tuli samantalang mahigit 50 na kabataan ang nahandugan ng libreng gupit.
Nagsagawa rin ng libreng dental extraction, dental cleaning, medical consultation, optical consultation at feeding program.
Tinuruan din nila ang mga nanay na dumalo sa programa ng pangkaragdagang pangkabuhayan at nagkaroon ng Mobile Library naman para sa mga bata.
Layunin ng programang ito na pagtibayin ang relasyong ugnayan ng PNP at komunidad upang matulungan ang mga pamilya na naapektuhan ng pandemya at iparamdam sa mga kabataan ang pagmamalasakit ng PNP sa kanilang kinabukasan.
###
Panulat ni Patrolman Rodel Grecia
