Oriental Mindoro – Nagsagawa ng Community Outreach Program ang mga tauhan ng Regional Medical and Dental Unit MIMAROPA sa Eco-Warrior Child Development Center, Camp BGen Efigenio C Navarro, Calapan, Oriental Mindoro nitong ika-11 ng Mayo 2023.
Ang aktibidad ay pinangunahan ni Police Captain Renalyn Hernandez, Nurse Officer, sa ilalim ng pangangasiwa ni Police Colonel Nierme Capulso Jr., Chief, RMDU MIMAROPA.
Namahagi ang mga kapulisan ng RMDU MIMAROPA ng libreng Vitamins, school supplies, at nagsagawa rin ng feeding program at Teaching on Proper Tooth Brushing.
Labis ang tuwa at pasasalamat ng mga bata sa natanggap nilang tulong mula sa ating mga kapulisan.
Layunin ng aktibidad na mapagtibay ang ugnayan ng PNP sa mga mamamayan upang maging kaisa sa pagpapanatili ng kapayapaan at seguridad sa bansa.
Panulat ni Patrolman Erwin Calaus
