Matagumpay na naisagawa ang Community Outreach program ng Regional Training Center 2 sa ilalim ng pamumuno ni Police Lieutenant Colonel Rodrigo Soriano na ginanap sa Brgy. Fugu, City of Ilagan, Isabela noong ika-16 ng Marso 2023.
Pinangunahan ang aktibidad ni Police Major Angela Gulapan katuwang ang mga Police Trainee ng PSBRC Batch 2021-05 at 06 bilang pagsagawa ng kanilang Enhance Community Immersion Program.
Lubos ang galak na makikita sa mga benepisyaryo ng naturang aktibidad kung saan nagsagawa ng libreng medical check-up, pamamahagi ng mga gamot at vitamins, libreng gupit, manicure at pedicure para sa mga kababaihan at pamamahagi ng meryenda at pananghalian. Nagsagawa din ng palaro na lalong ikinatuwa ng mga dumalo.
Samantala, tinalakay naman ng kapulisan ang tungkol sa Anti-Drunk and Drugged Driving Act of 2013, Rules and Regulations on Roads at Driving Safety Tips sa mga dumalong drayber na benepisyaryo sa naturang aktibidad.
Nagsagawa din ng Zumba na kinagiliwan ng mga magulang at senior citizens.
Layunin ng aktibidad na matugunan ang pangangailangan ng mamamayan at mapasaya sila sa ganitong paraan. Sa pamamagitan nito ay mapapaigting ang ugnayan ng kapulisan sa komunidad at tuluyan silang mahimok na makiisa sa mga programa ng Pambansang Pulisya para sa ikauunlad ng bayan.
Source: RTC 2
Panulat ni PSSg Jerlyn V Animos
