Oriental Mindoro – Nagsagawa ng Community Outreach Program ang mga tauhan ng Regional Legal Service MIMAROPA sa Catwiran 2 Elementary School, Brgy. Catwiran 2, Baco, Oriental Mindoro noong ika-24 ng Marso 2023.
Ang naturang aktibidad ay pinangunahan ng Regional Legal Service MIMAROPA sa pamumuno ni Police Lieutenant Colonel Winlove Ramos, Acting Chief ng RLS MIMAROPA, kasama ang mga tauhan ng PNP EOD/K9 GROUP, PNP Anti-Cyber Crime Group, Recruitment and Selection Service, Baco MPS, Triskelion Law Enforcement Group at Tau Gamma Phi/ Sigma Baco Municipal Council.
Naisagawa ang aktibidad sa pamamagitan ng feeding program at pamamahagi ng school supplies sa humigit kumulang 200 na mga bata sa nasabing paaralan.
Ito ay kaugnay sa programa ng PNP na MKK=K (Malasakit, Kaayusan, Kapayapaan, tungo sa Kaunlaran) at sa paglulunsad ng Revitalized PNP KASIMBAYANAN Program na naglalayong matulungan ang mga bata na lubos na nangangailangan.
Patuloy na magsasagawa ng ganitong aktibidad ang ating Pambansang Pulisya upang isulong ang pagkakaisa tungo sa ligtas at maunlad na pamayanan.
Panulat ni Patrolman Erwin Calaus
