Nagsagawa ng Community Outreach Program ang mga kapulisan ng Quirino Police Provincial Office sa Barangay Calaocan, Cabarroguis, Quirino ngayong ika-10 ng Abril 2024.
Ang aktibidad ay pinangunahan ni Police Lieutenant Colonel Ramon Macarubbo Jr, Chief, PCADU ng Quirino PPO, katuwang ang Cabarroguis Police Station, Hon. Eugene Collado, Provincial Director, Dr. Karen Angelie Abon, Medical Mission, Mr. Emerson Bautista, Municipal Chairman, Samahang Ilocano (SI), NARIAG Quirino Chapter, at Hon. Fernando M Dango, Barangay Chairman.
Sa nasabing aktibidad ay ipinamahagi ang libreng food packs sa 50 na benepisyaryo, tsinelas, towel, at iba’t ibang uri ng gamot.
Isinagawa rin ang medical check-up at libreng gupit sa mga magulang at bata.
Bukod dito, nagsagawa rin ng livelihood program ang mga tauhan ng Cabarroguis Police Station. Pinasaya rin ni Patrolman Henyong ang mga kabataan at magulang kasama ang QPPO Dancers.
Ang nasabing aktibidad ay naglalayon na palakasin ang ugnayan ng PNP at komunidad upang makatulong sa pagtataguyod ng kapayapaan at kaayusan, na kasalukuyang isinusulong sa ilalim ng mandato ng NTF ELCAC program.
Source: Quirino PPO Valley Cops
Panulat ni Patrolman Erwin Calaus
