Oriental Mindoro – Nagsagawa ng Community Outreach Program ang mga tauhan ng Puerto Galera Municipal Police Station sa kabataang Mangyan ng Pagturian Mangyan School sa Brgy. Villaflor, Puerto Galera, Oriental Mindoro noong ika-23 ng Agosto 2023.
Ang aktibidad ay pinangunahan ng mga tauhan ng Puerto Galera MPS sa pamumuno ni Police Major Jeryll John Lauron, Acting Chief of Police kasama ang mga tauhan ng 404th Regional Mobile Force Batallion (RMFB), PSFTP Class 2022-01 at Para Sa Bayan Charity, Inc, Tau Gamma Phi, Alpa Phi Omega, mga guro at Barangay Officials.
Ang aktibidad ay sinimulan sa pagpapalaro sa mga kabataan na may kalakip na papremyo, libreng pagpapagupit, food packs, feeding activity at pamamahagi ng mga school supplies at hygiene kits.
Samantala, binigyan naman ng pagkilala ang mga nasabing kapulisan at mga partners nito ng Pagturian Mangyan School sa patuloy at walang sawang pagtulong ng grupo sa kanilang mga estudyante maging sa maliit nilang komunidad sa Pagturian.
Ayon naman kay PLt Tom Anthony Decripito, Deputy Chief of Police ng Puerto Galera MPS na gawing instrumento ang mga lapis at papel na binigay sa kanila upang matupad ang kanilang mga pangarap at sikaping maging isang mabuting halimbawa para sa iba.
Panulat ni Patrolman Erwin Calaus
