Negros Oriental – Nagsagawa ng Community Outreach Program ang mga miyembro ng Public Safety Basic Recruit Course o PSBRC “PROPHETS” sa Barangay Agu-An, Sibulan, Negros Oriental nito lamang umaga ng Lunes, ika-11 ng Disyembre 2023.
Ang aktibidad ay pinangunahan ni Police Staff Sergeant Roy Arabis, bilang selebrasyon sa ika-10 anibersaryo sa pagseserbisyo ng Class PROPHETS (Public Responsible Officers for Peace, Honesty, Equality, Trust, and Service).
Naging matagumpay ang aktibidad kung saan nagkaroon ng feeding activity at pamamahagi ng school supplies para sa mga mag-aaral ng NegOr Day Care Center.
Layunin ng aktibidad na matiyak ang kaligtasan at kalusugan ng mga mag-aaral na kanilang nasasakupan sa pamamagitan ng pagbibigay tulong at malasakit tungo sa kaayusan at kaunlaran ng ating bansa.
