Nueva Ecija – Naghatid ng iba’t ibang serbisyo ang Police Regional Office 3 sa pamamagitan ng Community Outreach Program sa mga residente ng Brgy. Landig, Cuyapo, Nueva Ecija nito lamang Biyernes, ika-24 ng Nobyembre 2023.
Ang naturang aktibidad ay pinangunahan ni Police Brigadier General Jose Santiago Hidalgo Jr, Regional Director ng Police Regional Office 3.
Nakatanggap ang higit isang libong benepisyaryo ng libreng medical and dental check-up, libreng gamot at eye glasses.
Tinatayang 500 bata naman ang nabigyan ng libreng tsinelas, food packs at gamit pang-eskwela.
Layunin ng Police Regional Office 3 na matugunan ang iba’t ibang pangangailangan ng bawat indibidwal at mapagtibay ang magandang ugnayan ng PNP at pamayanan.
Source: Police Regional Office 3
Panulat ni Pcpl Jeselle V Rivera
