La Union – Nagsagawa ng Community Outreach Program ang mga kapulisan ng Police Regional Office 1 at Bauang Municipal Police Station sa Brgy. Pugo, Bauang, La Union nito lamang Martes, ika-18 ng Hulyo 2023.
Ang aktibidad ay pinangunahan ni Police Major Mark Odillon Lagman, Chief, CAS-RCADD, PRO1 at Regional Medical and Dental Unit 1 sa pangunguna ni Police Lieutenant Colonel Fernando Mercado, Acting Chief.
Dumalo rin sa aktibidad ang mga tauhan ng NAPOLCOM – Region 1, Commission on Population and Development – Region 1 at Barangay Officials ng nasabing lugar.
Namahagi ang kapulisan ng foodpacks, Solar Lights at payong mula sa PRO1 at libreng mga gamot mula sa RMDU1 sa mahigit 100 na residente.
Nakatanggap rin ng libreng bagong Wheel Chair ang isang Senior Citizen na hindi na makalakad.
Layunin ng pulisya na makapagbigay ng tulong sa mga mamamayan lalo na sa higit na nangangailangan.
Nais ng ganitong aktibidad na pagtibayin ang ugnayan ng mamamayan at kapulisan tungo sa progresibo, maayos at payapang komunidad.
Source: RPCADU1
Panulat ni PSSg Lhenee Bulanday Valerio
