Ilocos Sur – Nagsagawa ng Community Outreach Program ang mga kapulisan ng Police Regional Office 1 bilang paggunita sa ika – 28th Police Community Relations Month Celebration sa Brgy. San Antonio, Sta. Cruz, Ilocos Sur nito lamang Huwebes, ika-20 ng Hulyo 2023.
Ang aktibidad ay pinangunahan ni Police Lieutenant Colonel Benigno Sumawang, Deputy Chief RCADD, katuwang ang Santa Cruz PNP at 2nd Ilocos Sur PMFC na kung saan namahagi ang ating kapulisan ng grocery packs, payong at bigas sa mga napiling benepisyaryo na mga senior citizen.
Nahandugan naman ang mga bata ng libreng tsinelas, Jollibee hamburger, at libreng gupit.
Umabot sa mahigit 100 na residente ang naging benepisyaryo ng nasabing aktibidad.
Labis ang pasasalamat ng mga lumahok sa nasabing selebrasyon sa ating mga kapulisan dahil ang kanilang barangay ang napiling pasayahin at handugan ng mga regalo.
Layunin ng aktibidad na ihatid ang mga programa ng gobyerno sa pamamagitan ng mga proyekto ng ating kapulisan kasama ang iba’t ibang organisasyon upang ihandog sa ating mga mamamayan.
Source: RPCADU1
Panulat ni PSSg Lhenee Bulanday Valerio
