Matagumpay na isinagawa ng PRO BAR Officers Ladies Club ang community outreach program sa Barangay Bugasan Sur, Matanog, Maguindanao del Norte nito lamang ika-6 ng Setyembre 2024.
Pinangunahan ni Gng. Carmela T. Tanggawohn, OLC Adviser ang naturang aktibidad katuwang sina Hon. Zohria Saglayan Bansil-Guro, Municipal Mayor ng Matanog, Hon. Sanaira Ali-Ibay Imam, Municipal Vice Mayor ng Matanog, at mga personahe at ibang opisyales ng PRO BAR.
Ang naging benepisyaryo ng naturang aktibidad ay ang mga mag-aaral mula kinder hanggang Grade 2 ng Campo 1 Elementary School, kung saan tumanggap ng school supplies, mga bag, at pagkain.
Tumanggap rin ng food pack at tig-isang galong tubig ang 250 kabahayan na nasalanta ng kakatapos na bagyo sa naturang lugar.
Patuloy na makikiisa ang PNP sa mga ganitong uri ng aktibidad upang makapaghatid ng tulong partikular sa mga kabataang lubos na nangangailangan upang maiparamdam ang tunay na serbisyong publiko.
