Lucena City, Quezon – Nagsagawa ng Community Outreach Program ang Police Regional Office 4A Officers’ Ladies Club sa Lucena East VII Elementary School, Brgy. 10, Lucena City, Quezon nito lamang Biyernes, Oktubre 7, 2022.
Ang aktibidad ay pinangunahan ni Mrs. Mary Rose Nartatez, Adviser ng OLC PRO 4A at may bahay ni Police Brigadier General Jose Melencio Nartatez Jr, PRO4A Regional Director, kasama ang mga miyembro ng PRO 4A Officers’ Ladies Club at Quezon Police Provincial Office sa pamumuno ni Police Colonel Ledon Monte, Officer-In-Charge.
Tinatayang 100 estudyante ang nakatanggap ng food packs, loot bags, hygiene kits, school uniform, educational materials, libreng gupit at ice cream.
Bilang paggunita sa “Araw ng mga Guro”, lahat naman ng guro sa nabanggit na paaralan ay nabigyan ng bag na naglalaman ng personal necessity items.
Bukod dito, namigay din ng wheelchair, grocery pack, medicine kit at isang basket ng prutas naman ang ipapamahagi sa mga PNP Retirees.
Layunin nitong ipatupad ang Revitalized KASIMBAYANAN o (KApulisan, SIMBAhan at PamaYANAN) tungo sa isang ligtas, payapa at maunlad na probinsya ng Quezon.
Panulat ni Police Staff Sergeant Donabel Dulin
