Anda, Bohol – Masayang ipinagdiwang ng PNP Class 2007-02 “Utol” ang kanilang anibersaryo sa pamamagitan ng Community Outreach Program katuwang ang Anda MPS sa Sitio Licong, Barangay Virgen, Anda Bohol nito lamang ika-1 ng Agosto 2022.
Namahagi ng mga food packs ang nasabing class katuwang ang Anda MPS sa pangangasiwa ni Police Lieutenant Ponciano M Entroliso Jr, Chief of Police ng istasyon.
Kasabay ng pamamahagi ng tulong ay nagbigay rin sila ng kaalaman sa kampanya tungkol sa Terorismo, Anti-illegal drugs at sa anti-criminality upang tuluyang mawakasan ito at mapanatili ang kapayapaan.
Lubos naman ang tuwa at pasasalamat ng mga residente ng lugar sa inihandog na tulong mula sa PNP Class 2007-02 at sa Anda MPS.
Tinitiyak naman ng Pambansang Pulisya na patuloy silang mamamahagi ng tulong at magpapanatili ng seguridad sa mamamayan at ipadama ang tunay na malasakit at pagmamahal upang mas lalo pang mapatibay ang naumpisahang magandang ugnayan.
###
Panulat ni Patrolman Carl Philip L Galido
