Nagsagawa ng Community Outreach Program ang mga tauhan ng Police Community Affairs and Development Group (PCADG) sa isang bahay ampunan sa Sta. Mesa, Manila nito lamang Hulyo 26, 2023.
Pinangunahan ito ni Police Brigadier General Lou Evangelista, Director ng PCADG kasama ang mga tauhan ng Community Assistance and Development Division (CADD) na pinangasiwaan ni PCol Joel Ada, Chief, CADD.
Katuwang sa naturang aktibidad ang mga miyembro ng PNP Accredited NGOs na Anti-Narcotics International Assistance Group (NARIAG), Mike Delta Force (MDF), at Mata ng Masa Task Force (MMTF).
Ang nasabing grupo ay namahagi ng pagkain, prutas, tsinelas, coloring book at mga laruan sa mga abandoned children sa Concordia Children’s Services Inc.
Nagkaroon rin ng mga palaro at sayawan para sa mga bata na pinasimulan ng RPCADU NCR/PNP Dance Team kung saan kasama ang mga PNP Mascot na sina Pat Magalang at Pat Maringal.
Natapos ang programa ng ligtas at maayos dahil na rin sa pagbibigay seguridad ng mga tauhan ng Sta. Mesa PS8, MPD.
Ang nasabing programa ay may kaugnayan sa pagdiriwang ng ika-28th Police Community Relations Month na may temang “Serbisyong Nagkakaisa para sa Ligtas at Maunlad na Pamayanan.
Source: PCADG-CADD
Panulat ni Pat Nica Segaya
