San Isidro, Parañaque City — Nagsagawa ng Community Outreach Program ang Parañaque City Police Station sa Purok 1 Silverio Compound, Brgy. San Isidro, Parañaque City bandang 8:00 ng umaga nito lamang Martes, Setyembre 21, 2022.
Ang aktibidad ay pinangunahan ng mga tauhan ng Parañaque CPS sa pangunguna ni Police Major Nimrod E Balgemino Jr, Chief, Community Affairs Section (CAS).
Nilahukan din ito ng mga miyembro ng Faith-Based, Barangay-Based, at Unified Force Multipliers.
Sabay-sabay silang namahagi ng food packs at health kits sa mahigit 100 na benepisyaryo na dumalo sa naturang aktibidad.
Nagkaroon din ng Information Drive at Distribution of Flyers kabilang na ang pagpapaalala na sumunod pa rin sa health standard protocols at higit na mapahusay ang kanilang kamalayan sa Anti-Terrorism/ELCAC, Anti-Illegal Drugs, Anti-VAWC at iba pang tips upang maiwasan ang pagiging biktima.
Ang aktibidad ay nagpapakita ng malasakit sa kapwa Pilipino na patuloy na isasagawa ng pulisya.
Source: Parañaque Tagapag-Ugnay
Panulat ni PSSg Remelin M Gargantos
