Antique – Nagsagawa ng Community Outreach Program ang mga tauhan ng Pandan Municipal Police Station sa Barangay Perfecta, Pandan, Antique nito lamang ika-17 ng Oktubre 2022.
Ang aktibidad ay pinangunahan ni Police Captain Ryan Valenzuela, Officer-In-Charge ng Pandan MPS katuwang ang Barangay Peacekeeping Action Team, KKDAT at Barangay Officials ng nasabing lugar.
Matagumpay na isinagawa ang tree planting activity, gift giving at feeding program na kung saan, may kabuuang 75 na narra tree ang naitanim at 50 na katao ang nabigyan ng grocery packs.
Samantala, lubos ang pasasalamat ng mga residente sa tulong na kanilang natanggap mula sa kapulisan ng Pandan MPS.
Ang aktibidad ay kaugnay sa PNP peace and security framework ng Pambansang Pulisya, ang MKK=K o Malasakit, Kaayusan, Kapayapaan tungo sa Kaunlaran upang mapanatili ang magandang ugnayan ng PNP at komunidad.
