Porac, Pampanga – Matagumpay na naisagawa ng Pampanga PNP ang Community Outreach Program sa Barangay Diaz, Porac, Pampanga nito lamang Sabado, Hulyo 23, 2022.
Ito ay pinamunuan ni Police Colonel Alvin R Consolacion, Provincial Director ng Pampanga Police Provincial Office kasama ang Provincial Health Unit, Pampanga, Porac Municipal Police Station at 1st Provincial Mobile Force Company, Pampanga PPO.
Ang naturang aktibidad ay kaugnay sa pagdiriwang ng ika-27th PCR Month na may temang “Ugnayang Pulisya at Komunidad Tungo sa Mapayapa, Maayos at Maunlad na Pamayanan.
Tinatayang 160 na katutubong Aeta ang nahandugan ng relief goods, libreng pagkain, libreng gupit, libreng gamot, libreng konsulta sa pangkalusugan at school supplies naman para sa mga bata.
Ayon kay PCol Consolacion, labis ang tuwa at pasasalamat ng mga benipisyaryo sa natanggap nilang tulong galing sa PNP.
Ang Pambansang Pulisya ay patuloy sa pagbibigay ng magandang serbisyo sa mga mamamayan at mapagtibay ang ugnayan ng PNP at ng komunidad.
Source: Pampanga PPO
###
Panulat ni Police Corporal Jeselle V Rivera
