Nagsagawa ng Community Outreach Program ang mga kapulisan ng Occidental Mindoro Police Provincial Office sa Sitio Bamban, Brgy. Nicolas, Magsaysay, Occidental Mindoro noong ika-18 ng Nobyembre 2023.
Ang aktibidad ay pinangunahan ni Police Colonel Jun Dexter Danao, Provincial Director ng Occidental Mindoro PPO, katuwang ang Officers Ladies’ Club (OLC) Occidental Mindoro Chapter na pinamumunuan ng kanyang kabiyak na si Mrs. Dinah Grace A Danao, 1st Occidental Mindoro PMFC, Magsaysay Municipal Police Station at 102nd SAC Special Action Force at mga opisyales/kasapi ng Kabataan Kontra Droga at Terrorismo (KKDAT).
Ilan sa mga serbisyong naihatid ng nasabing aktibidad ay ang pagbibigay kaalaman tungkol sa Anti-Bastos Law, Anti-Rape Law at Anti-Terrorism Law.
Namahagi rin ng slippers, food packs, libreng gupit at nagpamalas naman ng kanilang husay sa pag-awit at pagtugtog ng instrumento ang Occidental Mindoro 1st PMFC Band para aliwin ang ating mga kababayan.
Nasa 636 na mga residente, kasama ang mga kapatid nating katutubo ang nabigyan ng benepisyo at nahatiran ng saya at pag-asa.
Ito ay Serbisyong Nagkakaisa sa pamamagitan ng IMPLAN DANAO (Damayan Alay sa Nagkakaisang Adhikain ng Organisasyon) ng Occidental Mindoro PNP bilang suporta sa Revitalize Community Support Program (RCSP).
Lubos naman na nagpasalamat ang mga kababayan natin sa nasabing lugar sa programang hatid ng kapulisan katuwang ang mamamayan.
Source: Occidental Mindoro Police Provincial Office
Panulat ni Patrolman Erwin Calaus
