Sta. Fe, Nueva Vizcaya – Nagsagawa ng Community Outreach Program ang Nueva Vizcaya PNP sa Brgy. Cabanuan, Sta. Fe, Nueva Vizcaya nito lamang Hulyo 7, 2022.
Ayon kay PCol Ranser A Evasco, Provincial Director ng Nueva Vizcaya PPO, naging posible ang aktibidad katuwang ang Nueva Vizcaya Officers’ Ladies Club sa pangunguna ng Adviser at Presidente na si Gng. Aida T Evasco at Gng. Sharon B Nalliw kasama ang Solonio Pharmacy na pinamumunuan ni Gng. Melba Solonio, Didipio Mines na pinamumunuan ni Ms. Marjorie Idio, External Affairs at Social Performance Manager.
Naging bahagi din ng aktibidad ang pakikiisa ng Provincial Integrated Health Office sa pangunguna nina Dr. Edwin Galapon at Dr. Florie Jean Albano, kasama sina Dr. Malou Bataclao at Dr. Jeanette Carreon, mga Medical Doctor mula sa Region 2 Trauma Medical Center, Rev. Roger Angyab, Provincial Coordinator Nueva Vizcaya-Life Coaches, Atty. Ramse Tumamao, Napolcom Provincial Officer, mga tauhan ng Provincial Medical and Dental Unit.
Dagdag pa ni PCol Evasco, nagsagawa ng tree planting activity na umabot sa 50 Guyabano seedlings ang naitanim.
Namahagi din ng mga grocery items sa 75 kabahayan, tsinelas sa 292 indibidwal, ice cream at Jollibee meal sa 350 residente, loot bag sa 120 na mga bata, 120 school supplies at libreng gupit.
Pinilahan din ang medical mission na may libreng gamot, dental check-up at tooth extraction.
Layon ng aktibidad na ito na dalhin ang mga serbisyo ng pamahalaan sa mga mas nangangailangan na komunidad sa pamamagitan ng PNP at mga stakeholders.
Source: Nueva Vizcaya PNP
###
Panulat ni Jermae D Javier
