Aklan – Nagsagawa ng Community Outreach Program ang mga tauhan ng New Washington Municipal Police Station sa ilalim ng pangangasiwa ni Police Lieutenant Micah Andrea Sibayan, Acting Chief of Police sa Barangay Fatima at Barangay Cawayan New Washington, Aklan nito lamang ika-7 ng Nobyembre 2022.
Ang aktibidad ay pinangunahan ng New Washington MPS sa ilalim ng pangangasiwa ni Police Lieutenant Micah Andrea Sibayan, Acting Chief of Police katuwang ang Local Government Unit ng New Washington, Philippine Army at iba pang mga volunteers.
Matagumpay na naisagawa ang pamimigay ng food packs na donasyon ng BDO Foundation sa pamumuno ni Ginang Mabeth M. Garcia sa mga residente na nasalanta ng bagyong “Paeng”.
Samantala, labis naman ang pasasalamat ng mga benepisyaryo sa tulong na kanilang natanggap.
Layunin ng ating kapulisan katuwang ang iba’t ibang ahensya ng gobyerno na matulungan ang ating mga kababayang nangangailangan lalo sa mga biktima at nasalanta ng nagdaang bagyong “Paeng”.
