Misamis Oriental – Aktibong nagsagawa ng Community Outreach Program ang mga tauhan ng Misamis Oriental Police Provincial Office sa Sitio Kalhaan, Brgy. Minalwang, Claveria, Misamis Oriental nito lamang ika-8 ng Enero 2022.
Ang naturang aktibidad ay pinangunahan ni Police Colonel Gonzalo Villamor Jr., Provincial Director ng Misamis Oriental Police Provincial Office katuwang ang NCPHIL at ACCERT stakeholders.
Naging matagumpay ang aktibidad sa pamamagitan ng pagkakabit ng solar lights na kaugnay ng PNP KASIMBAYANAN o Kapulisan, Simbahan at Pamayanan program at End Local Communist Armed Conflict.
Namahagi din ang nasabing grupo ng 225 food packs, 100 pares ng tsinelas, 200 school supplies, 100 pack lunch at tinatayang nasa 40 residente ang naging benepisyaryo ng libreng gupit.
Ang Pambansang Pulisya ay patuloy ang hangarin ng pagbibigay tulong at malasakit sa ating mga kababayan upang mas mapagtibay ang ugnayan ng pulisya at mamamayan tungo sa kaayusan, kapayapaan at kaunlaran ng bansa.
Panulat ni Patrolman Johmel Tan/RPCADU 10
