Malay, Aklan– Naglunsad ng Community Outreach Program ang mga tauhan ng Malay Municipal Police Station sa pamamagitan ng feeding program sa Sitio Bung-aw, Manocmanoc, Malay, Aklan nito lamang ika-16 ng Mayo 2022.
Ang aktibidad ay pinangunahan ni PLtCol Don Dicksie De Dios, Chief of Police sa pakikipagtulungan ni G. Bong Arban, Gen. Manager ng Boracay Koryo Restaurant.
May kabuuang 50 juice, food pack meals at iba’t ibang notebook ang naipamahagi sa mga bata ng nasabing komunidad.
Layunin ng aktibidad na bigyan ng pangunahing serbisyo ang mga mamamayang lubos na naapektuhan ng krisis dulot ng pandemyang COVID-19 at ipadama na may mga taong handang tumulong sa oras ng pangangailangan.
###
