Mabalacat City, Pampanga – Nagsagawa ng Community Outreach Program ang Mabalacat City PNP sa Sitio Haduan Brgy. Marcos Village, Mabalacat City, Pampanga nito lamang Sabado, Setyembre 24, 2022.
Ang naturang aktibidad ay pinangunahan ni Police Lieutenant Colonel Abraham Abayari, Acting Chief of Police ng Mabalacat City Police Station.
Tinatayang 15 na bata ang nabigyan ng libreng school supplies at hygiene kits.
Samantala, 35 na katutubong Aeta ang nabigyan ng grocery packs.
Labis naman ang kanilang tuwa at pasasalamat sa Mabalacat PNP sa ibinigay na tulong sa kanilang lugar.
Hinihikayat ang mga mamamayan na makiisa sa programa ng pamahalaan at mapaigting ang ugnayan ng PNP at pamayanan.
Source: Mabalacat City Police Station
Panulat ni Police Corporal Jeselle Rivera
