Isabela – Nagsagawa ng Community Outreach Program ang Luna PNP sa Barangay Harana, Luna, Isabela nitong ika-21 ng Enero 2023.
Ang aktibidad ay pinangunahan ni PCpt Juanito Garcia Jr, Deputy Chief of Police sa ilalim ng pamumuno ni PMaj Fresiel Dela Cruz, Officer-In-Charge ng Luna Municipal Police Station, na aktibong nilahukan ng mga miyembro ng KKDAT-Luna Chapter, tauhan ng Municipal Agriculture Office, Advocacy Support Groups, Barangay Officials, Barangay Health Workers, BPATs at ng Luna Association of Ministries and Pastors.
Ang grupo ay namahagi ng libreng gamot at bitamina, mga punlang gulay, protective masks, mga gamit pang-eskwela at libro kasabay ng pagsasagawa ng feeding program sa pamamagitan ng pamamahagi ng mainit at nakagiginhawang lugaw sa humigit kumulang 150 benepisyaryo.
Nagsagawa din ng talakayan ang mga tauhan ng nasabing himpilan hinggil sa kampanya sa pag-iwas sa kriminalidad, terorismo at ilegal na droga kaugnay ng BIDA program ng DILG.
Ang tagumpay ng aktibidad ay patunay lamang na kapag ang kapulisan, komunidad at simbahan ay nagkakaisa tungo sa isang layunin ng may malasakit, kaayusan, at kapayapaan, tiyak na makakamit natin ang kaunlaran.
